Outdated documentation
The latest documentation was moved to docs.qfield.org
Para comezar a dixitalizar novas entidades, activa o modo Edición no menú principal (botón do lapis) e selecciona a capa na que queres engadir unha nova entidade (resaltarase a capa en verde).
Move o punto de mira no centro da pantalla ata a localización desexada e preme botón + na parte dereita inferior da pantalla para confirmar unha nova entidade de puntos.
Podes utilizar o botón manter centrado para forzar ó punto de mira a centrar a túa posición se tes activado o GPS.
Move o punto de mira no centro da pantalla ata o inicio desexado da liña ou polígono e preme o botón Máis (+) na parte inferior dereita da pantalla para engadir o primeiro nodo.
Continúa engadindo puntos para formar unha liña ou polígono premendo o botón Máis (+) cada vez que queiras engadir un novo nodo.
Preme o botón Menos (-) para eliminar o último nodo engadido.
Preme o botón Pechar (X) para cancelar completamente a creación da entidade.
Cando teñas engadido polo menos 2 nodos para unha liña ou 3 nodos para un polígono, aparecerá un botón Gardar. Preme nel para finalizar o teu deseño.
Logo de dixitalizar unha xeometría, amosarase o formulario de atributo se non é cancelado e preguntaráselle ó usuario pola introdución de atributos na nova entidade. As caixas de verificación na dereita de cada atributo permiten ter en conta cada atributo individualmente. O formulario que aparece permite introducir valores de atributo para a nova entidade.
Para unha rápida colleita de máis ben conxuntos de datos homoxéneos, é crucial non ter que introducir os mesmos valores de atributo unha vez tras outra. As caixas de verificación na dereita de cada atributo permiten lembrar cada atributo individualmente polo que a próxima vez que engadas unha entidade na mesma capa, estes atributos estarán automaticamente pre-cubertos.
Só é posible eliminar entidades no modo dixitalizar
Para eliminar unha entidade, hai que identificala primeiro mediante un pequeno toque nela. Logo, seleccionala cunha longa pulsación na lista de identificación, selecciona se queres máis entidades para eliminar e preme no botón do lixo para confirmar a eliminación.
Para editar, pulsa en Botón do menú -> lapis.
Podes editar unha entidade movéndoa, engadindo ou eliminando vértices e mesmo dividíndoa.
É posible dividir unha xeometría existente debuxando unha liña onde se deba dividir.
Pódense mover e eliminar vértices das xeometrías e mesmo engadir novos vértices.
Unha demostración de vídeo dalgunhas posibilidades da edición:
O modo de dixitalización á man permítelle ós usuarios “debuxar” liñas e polígonos utilizando o bolígrafo/lapis ou o rato. O modo está dispoñible para engadidos de entidades lineais/poligonais así como para a ferramenta de aneis do editor de xeometría.
O modo de dixitalización a man está activado a través dun novo botón da barra de ferramentas que aparece cando QField se establece en modo edición e se selecciona unha liña ou un polígono vectorial.
Se a edición topolóxica está activada no proxecto de QGIS antes de exportar a QField, os nodos compartidos das xeometrías veciñas modifícanse xuntas cando se moven / eliminan vértices e se engaden vértices adicionais a segmentos cando un novo nodo se engade dende as xeometrías veciñas.
Podes facer unha selección múltiple e editar tódalas entidades ó mesmo tempo. En certos casos, pode ser moi eficiente.