Outdated documentation
The latest documentation was moved to docs.qfield.org
Polo Departamento de Servizos de Saneamento e Auga Rural (RWSS), Corporación de Saneamento e Auga (WASAC), Ruanda
Para levar a cabo a captura de datos de toda a rede de subministro de auga rural en Ruanda, e manter continuamente actualizados os datos para mellorar a operativa e o mantemento do abastecemento.
Ademais de preparar os dispositivos Android, adquirimos varios dispositivos GPS para unha maior precisión do posicionamento. En WASAC, mercamos o Garmin GPSMAP 64S. Ás veces, os GPS do móbil e da tableta non é moi preciso, polo que normalmente capturamos a mesma localización usando o GPS Garmin, e corriximos a localización dos datos de QField despois do traballo de captura de datos.
Unha vez preparado o Geopackage e o modelo do proxecto de QGIS, levamos a cabo formación en QGIS/QField en xullo do 2018 e emprendemos o traballo de captura de datos en 27 distritos por todo o país de Ruanda. 27 enxeñeiros enviaron os seus Geopackage á oficina central en Kigali. Os especialistas do MIS (Sistema de Información da Xestión) validaron e introduciron os datos dende o Geopackage á base de datos de PostGIS. Completamos os traballos de captura de datos inicial en abril de 2019.
O aspecto máis significante logo da captura dos datos é a actualización. Vimos como moitas organizacións en África fallaron ó manter actualizados os seus datos. Varios anos máis tarde, os seus datos pasan a ser demasiado vellos e a maioría deles precisan volver a realizar esforzos de captura de datos.
WASAC decidiu actualizar continuamente tódolos datos e continúa a facelo ata agora. QField demostrou ser moi axeitado para esta tarefa.
Para distribuír e actualizar os datos, desenvolvemos un script de python postgis2qfield. Esta ferramenta postgis2qfield pode extraer os datos de PostGIS e crear Geopackages para cada distrito de Ruanda. Subimos estes 27 geopackage xunto co modelo de proxecto de QGIS ó almacén de Google Drive. Logo disto, estes enxeñeiros descargan nos seus distritos o geopackage a un dispositivo Android para continuar engadindo e actualizando os datos. Unha vez que completan a actualización, envían o geopackage á ofinica central de novo, onde os especialistas do MIS actualizan a base de datos de PostGIS e xeran de novo os geopackages para QField.
En primeiro lugar, podes ver os datos capturados aquí.
Dende xullo do 2020, comezamos a distribuír os datos dos sistemas de abastecemento de auga a través de teselas vectoriais coma datos abertos. Aínda que a situación da internet en Ruanda se está a mellorar, algunhas áreas rurais aínda teñen problemas de internet. Nunha situación da internet tan mala, a distribución dos datos WMS ou WFS non funcionaría ben. As teselas vectoriais poden proporcionar unha distribución lixeira e rápida dos datos do mapa. Non falaremos aquí das teselas vectoriais. Se estás fascinado por como compartimos o resultado da colección de datos, por favor, mira tamén esta instrución.
Agradecemos a tódolos enxeñeiros de apoio de auga e saneamento do distrito por levar a cabo o traballo de captura de datos. Adicionalmente, queremos agradecerlle ós desenvolvedores de QField e QGIS por ofrecer este fantástico software de código aberto. Resulta magnífico que, debido a este software libre, tales proxectos poidan implantarse por unha organización do sector da auga en países en desenvolvemento.
WASAC ten 2 departamentos principais: para auga urbana (UWSS) e para auga rural (RWSS). Empregamos QField en RWSS. O papel do departamento de RWSS é apoiar ó goberno local a operar e manter os seus propios sistemas de abastecemento de auga en áreas rurais. Actualmente, estes datos recollidos e mantidos polo departamento do RWSS utilízanse por máis de 30 operadores privados en 27 distritos. O número de sistemas de abastecemento de auga na base de datos é máis de 1000.
Tamén, un dos nosos colegas presentou a actividade da WASAC no FOSS4G en Bucarest. Aínda que algún dos sistemas cambiou un pouco agora, podes ver o vídeo se estás interesado.